Yn ystod y blynyddoedd diwethaf, mae Gwasanaeth Prawf Gogledd Cymru, Heddlu Gogledd Cymru ac asiantaethau a sefydliadau eraill wedi cydweithio er mwyn sicrhau bod troseddwyr difrifol yn peri cyn lleied â phosib o risg i aelodau'r cyhoedd.
Yn sgil Deddf Troseddwyr Rhyw 1997 a sefydlu'r Protocol Amddiffyn y Cyhoedd ym 1999, daeth Trefniadau Amddiffyn y Cyhoedd Aml-Asiantaeth (MAPPA) i rym ym mis Ebrill 2001. Mae MAPPA yn gosod dyletswydd ar y Gwasanaeth Prawf Cenedlaethol a'r Heddlu i asesu a rheoli'r risgiau a berir gan droseddwyr. Nodir rolau a chyfrifoldebau pob asiantaeth partner yn y trefniadau hyn ac maent hefyd yn diffinio sut mae Paneli Amddiffyn y Cyhoedd Aml-Asiantaeth yn gweithio.
