Mae Ardal Prawf Gogledd Cymru yn un o'r 42 Ardal yng Nghymru a Lloegr ac mae'n rhan o'r Gwasanaeth Rheoli Troseddwyr Cenedlaethol (NOMS). Rhennir yr Ardaloedd yn Rhanbarthau a Chymru ac mae Gogledd Cymru yn gweithio yng Nghymru. Bwrdd Prawf Gogledd Cymru sy'n goruchwylio Ardal Prawf Gogledd Cymru ac mae'n atebol i'r Weinyddiaeth Cyfiawnder.
Datganiad o Ddiben
Mae Ardal Prawf Gogledd Cymru'n cyfrannu at ddatblygu cymunedau mwy diogel drwy sicrhau ein bod yn cyflawni ein cyfrifoldeb sylfaenol sef goruchwylio troseddwyr drwy ddefnyddio dulliau ymyrryd effeithiol y profwyd eu bod yn llwyddo er mwyn lleihau troseddu a datblygu potensial pob unigolyn fel y gall wneud cyfraniad cadarnhaol i gymdeithas. Mae'r Ardal wedi ymrwymo i weithio mewn partneriaeth ag eraill i gyrraedd nodau cyffredin sy'n cefnogi diogelwch cymunedol a chynhwysiant cymdeithasol.
